ក. ប្រធានបទ ៖ ការកំណត់សុពលភាពផលិតផលម្រេច នៅកម្ពុជា ។

ខ. កាលបរិច្ឆេទ ៖ ថ្ងៃទី​២០ ខែកក្កដា ឆ្នាំ ២០១២ ចាប់ពីម៉ោង
៧: ៣០​ - ១៧ : ០០​​ ។

គ. ទីកន្លែង ៖ ខេត្តកំពង់ចាម​ (សណ្ឋាគារ ៧​មករា) ។

ឃ. គោលបំណង​ ៖

• ផ្សព្វផ្សាយ ឬ ផ្តល់ពត៌មានចំាបាច់នានាដែលពាក់ព័ន្ធនឹងតំរូវការទីផ្សារពិភពលោកសំរាប់ផលិតផលម្រេច​ដែលជាសក្តានុពលរបស់ប្រទេសកម្ពុជាដែលត្រៀមនំាចេញទៅទីផ្សារជូនដល់ ផលិតករសិប្បករឧស្សាហករកម្ពុជា ឬ ក្រុមហ៊ុននាំចេញដើម្បីយកធ្វើជាមូលដ្ឋានក្នុងការពង្រឹងពង្រីកនិងកែសំរួល​រចនាសម្ព័ន្ធផលិតកម្មរបស់ខ្លួនដើម្បីអោយពួកគាត់ត្រៀមខ្លួនធ្វើជាអ្នកផ្គត់ផ្គង់នាពេល​អនាគត ។
• រៀនសូត្រពីបទពិសោធន៍ និងភាពជោគជ័យរបស់ក្រុមហ៊ុនឈានមុខក្នុងការនាំចេញផលិតផលម្ហូបអាហារ​កម្ពុជា (ម្រេចខ្មែរ) ទៅកាន់ទីផ្សារបរទេសជាពិសេសទីផ្សារប្រទេសជប៉ុន​។
• បង្ហាញជូនឬផ្តល់ពត៌មានដល់ពាណិជ្ជករ និងអ្នកវិនិយោគទុនបរទេសអំពីដំណើរវិវឌ្ឍន៍របស់កម្ពុជាក្នុង​ការ​រៀបចំខ្លួនដើម្បីក្លាយជាអ្នកនាំចេញផលិតផលម្រេចស្របតាមស្តង់ដារអន្តរជាតិ​ ។

ង. ខ្លឹមសារសង្ខេប ៖ សិក្ខាសាលាស្តីអំពីការកំណត់សុពលភាពផលិតផល​ ម្រេចនៅកម្ពុជា​ និងម្រេចលើទីផ្សារ​ពិភពលោក​ ស្វែងយល់ពីផលិតកម្ម​ ពាណិជ្ជកម្មអត្រាពន្ធនិងតម្លៃដែលចងក្រងពត័មានតាមវិស័យដោយក្រុម​ការងារខ្សែចង្វាក់តម្លៃ ។ ខ្លឹមសារនៃសិក្ខាសាលាទាំងមូលក៍បានជម្រុញអោយបងប្អូនសិប្បករផលិតករសមាគមអាជីវកម្ម
ក្រុមហ៊ុននានា យល់ដឹងពីតួអង្គសំខាន់​ៗ​ សកម្មភាពនឹង​ ឧបសគ្គរារាំង​ សកម្មភាពរដ្ឋាភិបាលនិងដៃគូអភិវឌ្ឍន៍ ។ ក្នុងនោះមានការធ្វើបទបង្ហាញនឹងចែករំលែកបទពិសោធន៍ស្តីពីការបង្កើត សហព័ន្ធអ្នកនាំចេញ​អង្ករនិងបទបង្ហាញដោយក្រសួងកសិកម្មរុក្ខាប្រមាញ់ នឹងនេសាទ​អំពីតម្រូវការផ្សេង​ៗ ។

ឆ្នាំ ២០១០

ក. ប្រធានបទ ៖ ការណែនាំអំពីចំណាត់ថ្នាក់គ្រឿងអលង្ការ និងត្បូងថ្មមានតំលៃនៅកម្ពុជា ។

ខ. កាលបរិចេ្ឆទ ៖ ថ្ងៃទី ០៣ ខែ មិថុនា ឆ្នាំ ២០១០ ចាប់ពីម៉ោង ១៤ៈ៣០-១៦ៈ៣០ នាទីរសៀល ។

គ. គោលបំណង ៖

• ណែនាំ និងបង្ហាញលក្ខណៈពិសេសពីការរចនាម៉ូតផលិតផលគ្រឿងអលង្ការ និងត្បូងមានតំលៃរំលេចដោយ សោភណ្ឌ័ភាពដើម្បីទាក់ទាញការចាប់អារម្មណ៍បន្ថែមទៀតពីអតិថិជន ។
• ពន្យល់អាជីវករលក់គ្រឿងអលង្ការ និងត្បូងមានតំលៃអោយចេះត្រួតពិនិត្យ វាយតំលៃលើផលិតផលត្បូងពេជ្រតាម លក្ខណៈបច្ចេកទេស ជាពិសេសការកែថ្នៃ ការពិនិត្យត្បូងគួរប្រើឧបករណ៍ទំនើប ។
• ណែនាំ និងតម្រង់ទិសអោយអាជីវករលក់គ្រឿងអលង្ការ និងត្បូងមានតំលៃប្រើប្រាស់ប្រព័ន្ធត្រួតពិនិត្យគុណភាព ដែលអាចទទួលស្គាល់ជាលក្ខណៈអន្តរជាតិ ជៀសវាងការលក់ផលិតផលក្លែងបន្លំទៅអោយអតិថិជនជាពិសេស ភ្ញៀវទេសចរណ៍បរទេសដែលនាំអោយខូចកេរ្តិ៍ឈ្មោះប្រទេសជាតិ ។

ឃ. សង្ខេបខ្លឹមសារ ៖ ការរៀបចំសិក្ខាសាលានាពេលនេះគឺស្របពេលនៃការរីកចំរើនពាណិជ្ជកម្មគ្រឿងអលង្ការនៅកម្ពុជា ។

ឆ្នាំ ២០០៩

ក. ប្រធានបទ ៖ ការលើកកំពស់វិស័យទេសចរណ៍តំបន់ឆ្នេរសមុទ្រ ។

ខ. កាលបរិច្ឆេទ ៖ ថ្ងៃទី ២៦ ខែ ធ្នូ ឆ្នាំ ២០០៩ ចាប់ពីម៉ោង ១៤ៈ៣០-១៦ៈ៣០ នាទីរសៀល ។

គ. គោលបំណង ៖

• ជម្រុញ និង ផ្សព្វផ្សាយពីតំបន់ទេសចរណ៍ថ្មី ៗ តាមបណ្តោយឆ្នេរសមុទ្រកម្ពុជាក្នុងខេត្តកែប កំពត ព្រះសីហនុ ខេត្តកោះកុង ដោយជំរុញអោយមានកំណើនភ្ញៀវជាតិ និងអន្តរជាតិចូលទស្សនាតំបន់ទេសចរណ៍ធម្មជាតិឆ្នេរ សមុទ្រអោយបានច្រើន ដែលមានចំងាយចាប់ពី ១៥៩-២៧៧ គីឡូម៉ែតពីរាជធានីភ្នំពេញ ។
• ជម្រុញ និង គ្រាំទ្រដល់ការអភិវឌ្ឍន៍ធនធានមនុស្ស និងដៃគូរសេវាទេសចរណ៍អោយយកចិត្តទុកដាក់ថែរក្សា ធនធានធម្មជាតិនៅជុំវិញខ្លួន ពង្រឹងសេវាកម្មទេសចរណ៍ ជាពិសេសយកចិត្តទុកដាក់ថែរក្សាអតិថិជនរបស់ខ្លួន ក្រោមទិសស្លោកទេសចរណ៍គឺដើម្បីយើងទាំងអស់គ្នា យើងទាំងអស់គ្នាគឺដើម្បីទេសចរណ៍ ។
• ជម្រុញគាំទ្រ និងផ្សព្វផ្សាយអោយបានទូលំទូលាយពីសក្តានុពល និងឳកាសធ្វើពាណិជ្ជកម្មលើវិស័យទេសចរណ៍ ដើម្បីទាក់ទាញវិនិយោគទុនចូលមកវិនិយោគ និងធ្វើការអភិវឌ្ឍន៍តំបន់ឆ្នេរសមុទ្រកម្ពុជាអោយប្រហាក់ប្រហែល ប្រទេសជិតខាងក្នុងតំបន់ ហើយផ្សាភ្ជាប់សកម្មភាពទេសចរណ៍ទៅនឹងសកម្មភាពពាណិជ្ជកម្មអោយបានខ្លាំងក្លា មួយកំរិតថែមទៀត ។

ឃ. សង្ខេបខ្លឹមសារ ៖ នេះអាចចាត់ទុកជា សិក្ខាសាលាថ្នាក់តំបន់ដែលក្រសួងពាណិជ្ជកម្មសហការជាមួយក្រសួងទេសចរណ៍ និងអជ្ញាធរខេត្តរៀបចំសិក្ខាសាលាស្តីពី ការលើកកំពស់វិស័យទេសចរណ៍តំបន់សមុទ្រ ដើម្បីបំផុសនិងជំរុញចលនាអោយ ភ្នាក់ងារផ្តល់សេវាទេសចរណ៍ និងអជ្ញាធរដែនដីរួមគ្នាអភិវឌ្ឍន៍ ស្តារវិស័យទេសចរណ៍នៅក្នុងព្រះរាជាណាចក្រកម្ពុជាតាមរយៈ ការបង្កើតតំបន់ទេសចរណ៍ថ្មី ៗ ការជម្រុញ និងផ្សព្វផ្សាយពីទេសចរណ៍អោយបានទូលំទូលាយដល់ស្រទាប់មហាជនទូទៅ កត្តាទាំងនេះគឺជាស្ពានដែលនាំអោយប្រទេសកម្ពុជាក្លាយជាទិសដៅទេសចរណ៍វប្បធម៌-ធម្មជាតិ សំរាប់ភ្ញៀវទេសចរណ៍ជាតិ និងអន្តរជាតិចូលមកទស្សនា និងស្នាក់អាស្រ័យរយៈពេលយូរនាពេលអនាគតដ៍ខ្លីខាងមុខ ។

ឆ្នាំ ២០០៩

ក- ប្រធានបទ ៖ តើគួររៀបចំផលិតផលដូចម្តេចដើម្បីជម្រុញការនាំចេញ ។

ខ- កាលបរិច្ឆេទ ៖ ថ្ងៃពុធ ទី ១៧ ខែ ធ្នូ ឆ្នាំ ២០០៩ ចាប់ពីម៉ោង ០៨ៈ៣០-១២ៈ០០ នាទីថ្ងៃត្រង់ ។

គ- គោលបំណង ៖

• ផ្សព្វផ្សាយ ឬ ផ្តល់ពត៌មានចំាបាច់នានាដែលពាក់ព័ន្ធនឹងតំរូវការទីផ្សារពិភពលោក សំរាប់ទំនិញ ឬផលិតផលដែល មានសក្តានុពលរបស់ប្រទេសកម្ពុជា ដែលត្រៀមនំាចេញទៅទីផ្សារជូនដល់ ផលិតករ សិប្បករ ឧស្សាហករកម្ពុជា ឬ ក្រុមហ៊ុននាំចេញដើម្បីយកធ្វើជាមូលដ្ឋានក្នុងការពង្រឹង ពង្រីក និងកែសំរួលរចនាសម្ព័ន្ធផលិតកម្មរបស់ខ្លួន ដើម្បី អោយពួកគាត់ត្រៀមខ្លួនធ្វើជាអ្នកផ្គត់ផ្គង់នាពេលអនាគត ។
• បង្ហាញលទ្ធផលនៃការវាយតំលៃផលិតផលសក្តានុពលនាំចេញកម្ពុជា តាមរយៈបំរែបំរួលនៃចរន្តទីផ្សារសកល ជម្រុញនិងផ្សព្វផ្សាយដល់ផលិតករ សិប្បករ ឧស្សាហករកម្ពុជាអោយធ្វើការកែទំលាប់នៃការនាំចេញផលិតផលជា វត្ថុធាតុដើមទាំងស្រុងទៅកាន់ទីផ្សារដោយងាកមករិះរកវិធីសាស្រ្តថ្មីៗ តាមគន្លងកិច្ចសំរួលពាណិជ្ជកម្ម ដើម្បីលើក កំពស់តំលៃផលិតផល បង្កើនតំលៃបន្ថែម និងជម្រុញអោយមានការនាំចេញទៅកាន់គោលដៅទីផ្សារពិតប្រាដក ។
• ពន្យល់ និងផ្សព្វផ្សាយអំពីប្រព័ន្ធសុវត្ថិភាព និងគុណភាពម្ហូបអាហារក្នុងបរិយាកាសពាណិជ្ជកម្ម សម័យទំនើបសំរាប់ រាល់មុខទំនិញទូទៅដែលត្រូវធ្វើការនាំចេញ និងនាំចូលដោយត្រូវត្រួតពិនិត្យមើលលក្ខខ័ណ្ឌ និងតំរូវការចាំបាច់នានា ក្នុងការរៀបចំផលិតកម្ម និងផលិតផលសំដៅធ្វើយ៉ាងណាចរាចរមុខទំនិញដោយពុំជាប់របាំងពាណិជ្ជកម្ម ។
• រៀនសូត្រពីបទពិសោធន៍ និងភាពជោគជ័យរបស់ក្រុមហ៊ុនឈានមុខ ក្នុងការនាំចេញផលិតផលម្ហូបអាហារកម្ពុជា (ម្រេចខ្មែរ) ទៅកាន់ទីផ្សារបរទេសជាពិសេសទីផ្សារប្រទេសជប៉ុន ។
• បង្ហាញជូន ឬផ្តល់ពត៌មានដល់ពាណិជ្ជករ និងអ្នកវិនិយោគទុនបរទេសអំពីដំណើរវិវឌ្ឍន៍របស់កម្ពុជា ក្នុងការរៀបចំ ខ្លួនដើម្បីក្លាយជាអ្នកនាំចេញផលិតផលស្របតាមស្តង់ដារអន្តរជាតិ ។

ឃ. សង្ខេបខ្លឹមសារ ៖ សិក្ខាសាលាស្តីអំពី តើគួររៀបចំផលិតផលដូចមេ្តចដើម្បីជម្រុញការនាំចេញ រៀបចំឡើងដើម្បីឆ្លើយតប តាមសំណើររបស់ពាណិជ្ជករ សិប្បករ កសិករ ផលិតករ សមាគមអាជីវករ សហគមន៍អ្នកជំនួញដែលចង់ដឹង ចង់ឃើញ ផលិតផលកម្ពុជាធ្វើចរាចរពាសពេញទីផ្សារក្នុងស្រុក ក៍ដូចជាទីផ្សារអន្តរជាតិ ។ ខ្លឹមសារនៃសិក្ខាសាលាទាំងមូលក៍បានជម្រុញ បងប្អូនសិប្បករ ផលិតករយកចិត្តទុកដាក់អោយបានខ្លាំងលើការងារពង្រឹងផលិតកម្មកែលម្អរគុណភាពផលិតផលអនាម័យ ការ រចនាសំបកវេចខ្ចប់ដាក់ស្លាកសញ្ញាអោយបានត្រឹមត្រូវ ដើម្បីងាយស្រួលបញ្ជៀតផលិតផលកម្ពុជាចូលទីផ្សារ ដែលមាន លក្ខណៈតឹងចង្អៀត ។

Attachments:

Managing Food Safety & Quality Under The New Global Trade Environment.ppt

[ ]

3286 Kb

ឆ្នាំ ២០០៨

ក. ប្រធានបទ ៖ សិក្ខាសាលាផ្សព្វផ្សាយស្តីអំពី យុទ្ធសាស្ត្រជំរុញផលិតផលសក្តានុពល ១០មុខ សម្រាប់នាំចេញ ។

ខ. កាលបរិច្ឆេទ ៖ ថ្ងៃពុធ ទី ១៧ ខែធ្នូ ឆ្នាំ⁣ ២០០៨ ចាប់ពីម៉ោង ០៨ៈ៣០­­­­­­­­­­­-១២ៈ០០ នាទីៃថ្ងត្រង់ ។

គ. គោលបំណង ៖ ធ្វើការផ្សព្វផ្សាយអំពីផលិតផលដែលមានស្រាប់ ក្នុងព្រះរាជាណាចក្រកម្ពុជា ដែលឧស្សាហករ ផលិតករ សិប្បករ កសិករ កម្ពុជា ផលិតបានយ៉ាងសំបូរបែប ហើយដែលផលិតផលទាំងនោះមានបរិមាណសមស្របគុណភាពដែលអាចទទួលយកបានពីសំណាក់ អ្នកប្រើប្រាស់ទូទៅ ហើយអាចប្រើជំនួសផលិតផលដែលនាំចូលពីបរទេសបាន ។ ម៉្យាងវិញទៀតគឺយើងចង់បំផុសបំផុលនិងទាក់ទាញការ ចាប់អារម្មណ៍អោយអ្នកប្រើប្រាស់ចុងក្រោយ ­­(ប្រជាជនកម្ពុជា) ងាកមកប្រើប្រាស់ផលិតផលក្នុងស្រុកជំនួសវិញ ដើម្បីបង្កើនសកម្មភាព អាជីវកម្មបង្កើតការងារថ្មី ៗ ជូនប្រជាជននៅតាមទីជនបទកាត់បន្ថយការចំណាកស្រុកមករកការងារនៅតាមទីប្រជុំជន ដែលអាចជះឥទ្ធិពល មិនល្អដល់សង្គមព្រមទាំងរួមចំណែកក្នុងការកាត់បន្ថយ ភាពក្រីក្របានមួយកំរិតទៀតផង ។

ឃ- សង្ខេបខ្លឹមសារ ៖ សិក្ខាសាលាស្តីអំពីយុទ្ធសាស្រ្តជំរុញផលិតផលសក្តានុពល ១០មុខ សម្រាប់ការនាំចេញសហការរៀបចំដោយ នាយកដ្ឋានជម្រុញពាណិជ្ជកម្ម និងអង្គការ JETRO របស់ប្រទេសជប៉ុនក្នុងបំណងពង្រឹងសមត្ថភាពសហគ្រាសខ្នាត តូច និងមធ្យមកម្ពុជា ដើម្បីផលិតទំនិញដែលមានគុណភាពខ្ពស់អនុឡោមតាមស្តង់ដារទីផ្សារ ។ អត្ថន័យសំខាន់របស់សិក្ខាសាលាគឺជម្រុញអោយបងប្អូនផលិតករ សិប្បករ យកចិត្តទុកដាក់ធ្វើអោយប្រសើរឡើងនូវគុណភាពផលិតផល និង សេវាកម្មពង្រឹងស្តង់ដារកែលម្អរសំភារៈវេចខ្ជប់ដែលជាចំនុច ទាក់ទាញបថមរបស់អតិថិជន ។