កំពង់ឆ្នាំង
ខេត្តកំពង់ឆ្នាំង
ក-ព័ត៌មានទូទៅៈ
-ផ្ទៃដី ៥.៥២១ គម២
-ប្រជាជន ៤៧១.៦១៦ នាក់
-ចំនួនភូមិ/ឃុំ/ស្រុក មាន ៥៦២ ភូមិ, ៦៩ឃុំ, ៨ស្រុក
ខ-អាស័យដ្ឋាន
-មន្ទីរពាណិជ្ជកម្មខេត្តៈ ភូមិត្រពាំង សង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង្កឆ្នាំង
ទូរស័ព្ទលេខ ០១២ ៩៤៩ ៧៧៧ / ទូរសាលេខៈ ០២៦ ៩៨៨ ៦៣៣
- Provincial Department of Commerce: Trapaing village, S/K Psar Chhnang, Kampong Chhang City. Tel: 012 949 777/ Fax: 026 988 633.
កុលារភាជន៍ត្រូវ បាននាគេស្គាល់ជាទូទៅថាជាសំភារៈប្រើប្រាស់ធ្វើពី ដី មានក្អម ឆ្នាំង ចង្ក្រាន ថូ និងវត្ថុសិល្បៈកម្មដ៏ទៃទៀត។ វត្ថុទាំងនេះមានលក្ខណៈពិសេសម្យ៉ាង គឺប្រើប្រាស់វត្ថុធាតុដើមអំពី ដី ដែលមាននៅក្នុងខេត្តកំពង់ឆ្នាំង។ ការផលិតកុលរភាជន៍កើតមានតាំងពីបុរាណកាលមក រហូតដល់ត្រូវបានប្រសិទ្ធនាមទីតាំងផលិតថាជាខេត្ត កំពង់ឆ្នាំង
-អ្នកស្រុកកំពង់ឆ្នាំងមានចំណេះដឹង និងចំណេះធ្វើកុលារភាជន៍ តវង្សត្រកូលពីដូនតារបស់ខ្លួន។ ដីដែលយកមកប្រើជាវត្ថុធាតុដើមមាននៅក្នុងខេត្តផ្ទាល់ ប៉ុន្តែមានប្រភេទដីពិសេសម្យ៉ាង មានពណ៌សរ បរិមាណតិចតួចមាននៅក្នុងភូមិអណ្តូងច្រុះ ដែលអាចយកទៅផលិតជាវត្ថុប្រណីតដូចប្រទេសជិតខាងបាន(ស្រដៀងព័រសឺឡែន)។
-ដោយសារមានការជួយត្រួសត្រាយផ្លូវពីអង្គការនានាដូចជា សម្ព័ន្ធសិប្បកម្មកម្ពុជា អង្គការ GTZ អាល្លឺម៉ង់អ្នកភូមិត្រពាំងអន ភូមិបាញ់ឆ្គូល ភូមិឃ្លៃ ភូមិអាឡែង ភូមិអូកំណប់ ភូមិអណ្តូងឫស្សី ភូមិខ្សាមក្នុងស្រុករលាប្អៀ ទាំងអស់ បានធ្វើការអភិវឌ្ឍន៍អាជីវកម្មរបស់ខ្លួន និងធ្វើការកែលំអរផលិតផលដែលខ្លួនផលិតបាន អោយមានលក្ខណៈល្អប្រសើរដែលអាចជួយបង្កើតតំលៃបានមួយកំរិត។
-ទីផ្សារ ចែកចាយទូទាំងប្រទេស ជាពិសេសរាជធានីភ្នំពេញ និងខេត្តសៀមរាប ។
-ដោយសារមានការជួយឧបត្ថមពីអង្គការនានាក្នុងខេត្ត ដូចជាការរៀបចំឡកំដៅ បច្ចេកទេសលាយទឹកថ្នាំ និងមានវត្ថុធាតុដើមគ្រប់គ្រាន់ ជាពិសេសដីខ្សាច់ពណ៌សរ ដែលមានច្រើននៅខេត្តព្រះសីហនុ កុលារភាជន៍អាចធ្វើការ អភិវឌ្ឍន៍ដើម្បីអោយក្លាយជាផលិតផលថ្មី មានតំលៃខ្ពស់សំរាប់ប្រើប្រាស់ក្នុងសណ្ឋាគារ និងគេហដ្ឋានទំនើបបាន។
ទំនាក់ទំនងពាណិជ្ជកម្ម
១- មជ្ឈមណ្ឌលអភិវឌ្ឍន៍កុលារភាជន៍ ភូមិបាញ់ឆ្គូល ឃុំជ្រៃបាក់ ស្រុករលប្អៀ ខេត្តកំពង់ឆ្នាំង
ទំនាក់ទំនង អ្នកនាង យង់ សុខា ទូរស័ព្ទលេខ ០១៧ ៣៣៦ ០២៣
២- មជ្ឈមណ្ឌលអភិវឌ្ឍន៍កុលារភាជន៍ ភូមិអណ្តូងឫស្សី ឃុំស្រែថ្មី ស្រុករលៀប្អៀ ខេត្តកំពង់ឆ្នាំង
ទំនាក់ទំនង ក. យឹម ពៅ ទូរស័ព្ទ ០១២ ២០៦ ៣០៧