កែប
ខេត្តកែប
ក-ព័ត៌មានទូទៅៈ
-ផ្ទៃដី ៣៧៤.០២ គម២
-ប្រជាជន ៤១.១៧៥ នាក់
-ចំនួនភូមិ/ឃុំ/ស្រុក មាន ១៦ ភូមិ, ៣ ឃុំ, ១ ស្រុក, សង្កាត់ ២, ក្រុង ១
ខ-អាស័យដ្ឋាន
-មន្ទីរពាណិជ្ជកម្មខេត្តៈ ភូមិកែប សង្កាត់កែប ក្រុងកែប ខេត្តកែប ទូរស័ព្ទលេខៈ ០១៦ ៦៣២ ៦២៦
- Provincial Department of Commerce: Kep village, S/K Kep, Kep City. Tel: 012 92 10 65 / 012 83 51 24.
ខេត្តកែប ជាខេត្តនៅជាប់តំបន់មាត់សមុទ្រនៃប្រទេសកម្ពុជា ក្រៅពីផលិតផលទឹកត្រី អំបិល និងការផលិតម្រេចខេត្តនេះមានសក្តានុពលតិចតួចក្នុងការផលិតដំណាំរួមផ្សំនានា។ ខេត្តកែបជាចំនុចចាប់អារម្មណ៏សំរាប់ អ្នក ទេសចរណ៏ទូទៅ ព្រោះមានចំងាយមិនឆ្ងាយពីរាជធានីភ្នំពេញ បើប្រៀបជាមួយខេត្តជាប់មាត់សមុទ្រផ្សេងទៀត ក្នុងប្រទេសកម្ពុជា។ ក្តាម បង្គា ត្រីសមុទ្រស្រស់ៗ ដែលនេសាទពីក្នុងដែនសមុទ្រខេត្តកែប និងកំពត គឺជាអាហារ ដ៏ពេញនិយមសំរាប់អ្នកទេសចរណ៏ដែលមកកំសាន្តទីនេះ។
ទឹកត្រី ជាគ្រឿងឧបភោគបរិភោគបន្ទាប់បន្សំមួយទៀតមិនអាចខ្វះបានសំរាប់អាហារប្រចាំថ្ងៃរបស់ប្រជាជនកម្ពុជា។ ខេត្តកែប ជាខេត្តនៅប៉ែកនិរតីនៃប្រទេសកម្ពុជាជាប់តំបន់មាត់សមុទ្រ ដែលអាចមានលទ្ធភាពគ្រប់គ្រាន់ក្នុងការ ផលិតទឹកត្រីសំរាប់បំពេញតំរូវការទីផ្សារក្នុងស្រុក។
អំបិលគឺជាគ្រឿងឧបភោគបរិភោគ និងជាអាហាររូបត្ថម្ភដ៏សំខាន់សំរាប់ទ្រទ្រង់ជីវិត។ នៅប្រទេសកម្ពុជាការផលិតអំបិល គឺធ្វើឡើងនៅតំបន់មាត់សមុទ្រប៉ែកនិរតី មានខេត្តកែប កំពត ព្រះសីហនុ និងខេត្តកោះកុង។ ការផលិតអំបិលនៅខេត្តកែប-កំពត ត្រូវប្រើប្រាស់វត្ថុធាតុដើមពីធម្មជាតិ គឺ ទឹកសមុទ្រ-អំបិលសមុទ្រ ដោយត្រូវបញ្ចូលទឹកសមុទ្រទៅក្នុងស្រែ ប្រហែល ៣០-៤៥ ថ្ងៃ ទើបអាចប្រមូលផលបានជាអំបិលបន្ទាប់មកត្រូវលាយបញ្ចូលម៉្សៅអ៊ីយ៉ូត ដែលផ្តល់ដោយអង្គការយូនីសែហ្វ មុនពេលនាំចេញទៅកាន់ទីផ្សារ